Muli na namang viral sa social media ang vlogger na si Rob Moya matapos lantarang ibunyag ng dating miyembro ng Toro Family na si Buli na sapilitan siyang dinala ng vlogger sa isang motel sa Ortigas.
Sa video na inilabas ni Buli noong June 2, emosyonal nitong ibinahagi ang
pambabastos sa kanya ng dating kinakasama ni Toni Fowler na si Rob Moya.
Sa nasabing video, sinabi ni Buli, March ngayong taon bigla na lamang nag
message sa kanya si Rob Moya at inaya siya na makipagkita. Dahil nakikipagkita
rin naman siya minsan sa iba pang miyembro ng Toro Fam at sa tingin niya naman
ay walang malisya ang pagme-message nito sa kanya, pinaunlakan niya ito.
Kwento ni Buli, "Dumating 'yung point na humaba yung conversation, nag-aya mag
coffee, get together. Ako naman... may pinagsamahan kasi e. Hindi ko siya
ni-look na maging jowa, maging boyfriend, ang tingin ko sa kanya ay kuya
kuya."
Habang nasa isang event siya ay bigla nalang daw nag message si rob at
sinabing pupuntahan siya nito. Sinundo raw siya nito at laking gulat na lang
niya nang nasa isang motel na sila sa Ortigas.
Saad pa nito, "Sabi ko bakit tayo nandito? Sabi niya iwas issue kasi alam mo
naman ako, maingay ako ngayon."
Dahil kilala niya naman daw si rob ay pumayag siya kahit pa kinukutuban na
siya paakyat pa lang sila sa hagdan.
Imbis na kape ang iinumin nila, nagulat raw siya nang alak ang andon.
Sinubukan pa niyang magreklamo ngunit sinabi raw ni Rob na minsan lang
naman.
Salaysay pa ni Buli, "Nung drinking na, nagkakaroon na ng conversation na
mahaba... nag start na siya mag-ask. Ang sabi niya, 'can I kiss you?'."
Apat na beses daw siya nitong sinubukang halikan hanggang sa mahulog na siya
sa sofa. Nang dalhin raw siya nito sa kama ay nagsimula ulit ang
vlogger.
"Nung nasa bed na tuloy-tuloy niyang ginagawa. Ang sinasabi ko lang no.. hindi
pwede, hindi pwede 'to. Hanggang sa nag-aagawan na kami sa damit ko. Pilit
niyang hinuhubad yung hoodie ko habang hinahalikan niya ako.
"Ang sabi niya, bakit single ka naman ha? single din naman ako, anong masama
don?"
Natigil lang daw ito nang tumayo siya at nakatakbo sa cr. Nagkulong siya ng
halos 5 hanggang 10 minuto dito. Noong akala niyang kumalma na si Rob ay
nagpasya siya na lumabas na ngunit laking gulat niya na nakahubad na ito ng
damit pantaas.
Pagkalapit niya sa lamesa ay muli na naman daw siyang hinatak nito at pilit
hinuhubad ang damit niya. hanggang sa napansin nalang niya na nahubad na rin
ni Rob ang pambaba nito.
"Nung nangyari 'yun nakita ko na yung private part niya. Nagpupumiglas na ko
nang sobra, naghysterical na ko. Dali-dali kong binitbit yung bag ko at
tumakbo na ko palabas ng kwarto," anito.
Grabeng trauma raw ang nangyari sa kanya at ilang araw siyang hindi nakatulog
sa takot na pasukin sya ng ibang tao sa sarili niyang kwarto.
Hindi lang doon natapos ang panggugulo sa kanya ni Rob dahil pagkatapos nitong
humingi ng tawad sa kanya ay paulit-ulit na naman siyang inaya nito na lumabas
at makipag-inuman sa kanya ngunit hindi na niya pinaunlakan.
Ayon kay Buli, ginawa niya ang video na ito upang magbigay ng awareness sa iba
pang babae na naging biktima ni Rob. Hindi niya ito ginawa upang manira o kung
anuman. Ginawa niya ito para wala nang ibang tao at babaeng mabiktima ang
vlogger.
Anong reaksyon mo sa balitang ito? Comment your thoughts!
